Psalms 63

¹ and he schal lyue yit in to the ende. ² He schal not se perischyng, whanne he schal se wise men diynge; the vnwise man and fool schulen perische togidere. And thei schulen leeue her richessis to aliens; ³ and the sepulcris of hem ben the housis of hem with outen ende. The tabernaclis of hem ben in generacioun and generacioun; thei clepiden her names in her londis. ⁴ A man, whanne he was in honour, vndurstood not; he is comparisound to vnwise beestis, and he is maad lijk to tho. ⁵ This weie of hem is sclaundir to hem; and aftirward thei schulen plese togidere in her mouth. ⁶ As scheep thei ben set in helle; deth schal gnawe hem. And iust men schulen be lordis of hem in the morewtid; and the helpe of hem schal wexe eld in helle, for the glorie of hem. ⁷ Netheles God schal ayenbie my soule from the power of helle; whanne he schal take me. ⁸ Drede thou not, whanne a man is maad riche; and the glorie of his hows is multiplied. ⁹ For whanne he schal die, he schal not take alle thingis; and his glorie schal not go doun with him. ¹⁰ For his soule schal be blessid in his lijf; he schal knouleche to thee, whanne thou hast do wel to hym. ¹¹ He schal entre til in to the generaciouns of hise fadris; and til in to with outen ende he schal not se liyt.