Psalms 77

¹ I criede to hym with my mouth; and Y ioyede fulli vndir my tunge. ² If Y bihelde wickidnesse in myn herte; the Lord schal not here. ³ Therfor God herde; and perseyuede the vois of my bisechyng. ⁴ Blessid be God; that remeued not my preyer, and took not awei his merci fro me.</span> <span class="verse" data-verse="6"><sup>6</sup> The titil of the sixe and sixtithe salm. In Ebreu thus, To the victorie in orguns, the salm of the song. In Jerom thus, To the ouercomer in salmes, the song of writing of a delitable thing with metre. ⁷ God haue merci on vs, and blesse vs; liytne he his cheer on vs, and haue merci on vs. ⁸ That we knowe thi weie on erthe; thin heelthe in alle folkis. ⁹ God, puplis knowleche to thee; alle puplis knouleche to thee. ¹⁰ Hethen men be glad, and make fulli ioye, for thou demest puplis in equite; and dressist hethene men in erthe. ¹¹ God, puplis knouleche to thee, alle puplis knouleche to thee; ¹² the erthe yaf his fruyt. God, oure God blesse vs, God blesse vs; and alle the coostis of erthe drede hym. ¹⁵ The titil of the seuene and sixtithe salm. To the victorie, the salm of the song of Dauid. ¹⁶ God rise vp, and hise enemyes be scaterid; and thei that haten hym fle fro his face. ¹⁷ As smoke failith, faile thei; as wax fletith fro the face of fier, so perische synneris fro the face of God. ¹⁸ And iust men eete, and make fulli ioye in the siyt of God; and delite thei in gladnesse. ¹⁹ Synge ye to God, seie ye salm to his name; make ye weie to hym, that stieth on the goyng doun, the Lord is name to hym. Make ye fulli ioye in his siyt, enemyes schulen be disturblid fro the face of hym, ²⁰ which is the fadir of fadirles and modirles children; and the iuge of widewis.