Psalms 80

¹ Men that bacbiten my soule, be schent, and faile thei; and be thei hilid with schenschip and schame, that seken yuels to me. ² But Y schal hope euere; and Y schal adde euere ouer al thi preising. ³ Mi mouth schal telle thi riytfulnesse; al dai thin helthe. For Y knewe not lettrure, Y schal entre in to the poweres of the Lord; ⁴ Lord, Y schal bithenke on thi riytfulnesse aloone. ⁵ God, thou hast tauyt me fro my yongthe, and til to now; Y schal telle out thi merueilis.</span> <span class="verse" data-verse="6"><sup>6</sup> And til in to the eldnesse and the laste age; God, forsake thou not me. Til Y telle thin arm; to eche generacioun, that schal come. Til Y telle thi myyt, ⁷ and thi riytfulnesse, God, til in to the hiyeste grete dedis which thou hast do; God, who is lijk thee? ⁸ Hou grete tribulaciouns many and yuele hast thou schewid to me; and thou conuertid hast quykenyd me, and hast eft brouyt me ayen fro the depthis of erthe. ⁹ Thou hast multiplied thi greet doyng; and thou conuertid hast coumfortid me. ¹⁰ For whi and Y schal knowleche to thee, thou God, thi treuthe in the instrumentis of salm; Y schal synge in an harpe to thee, that art the hooli of Israel. ¹¹ Mi lippis schulen make fulli ioye, whanne Y schal synge to thee; and my soule, which thou ayen bouytist. ¹² But and my tunge schal thenke al dai on thi riytfulnesse; whanne thei schulen be schent and aschamed, that seken yuelis to me. ¹⁴ The title of the oon and seuentithe salm. `To Salomon. ¹⁵ God, yyue thi doom to the king; and thi riytfulnesse to the sone of a king. To deme thi puple in riytfulnesse; and thi pore men in doom. ¹⁶ Mounteyns resseyue pees to the puple; and litle hillis resseyue riytfulnesse. ¹⁷ He schal deme the pore men of the puple, and he schal make saaf the sones of pore men; and he schal make low the false chalengere. ¹⁸ And he schal dwelle with the sunne, and bifore the moone; in generacioun and in to generacioun. ¹⁹ He schal come doun as reyn in to a flees; and as goteris droppinge on the erthe.