Psalms 82
Psalms chapter 82 from the John Wycliffe Bible (c.1395)
enm
CC-BY-SA-4.0
1 For biholdyng is not to the deth of hem; and stidefastnesse in the sikenesse of hem. 2 Thei ben not in the trauel of men; and thei schulen not be betun with men. 3 Therfore pride helde hem; thei weren hilid with her wickidnesse and vnfeithfulnesse. 4 The wickidnesse of hem cam forth as of fatnesse; thei yeden in to desire of herte. 5 Thei thouyten and spaken weiwardnesse; thei spaken wickidnesse an hiy. 6 Thei puttiden her mouth in to heuene; and her tunge passide in erthe. 7 Therfor my puple schal be conuertid here; and fulle daies schulen be foundun in hem. 8 And thei seiden, How woot God; and whether kunnyng is an heiye, `that is, in heuene?
