Psalms 88

¹ I thouyte elde daies; and Y hadde in mynde euerlastinge yeeris. ² And Y thouyte in the nyyt with myn herte; and Y was exercisid, and Y clensid my spirit. ³ Whether God schal caste awei with outen ende; ether schal he not lei to, that he be more plesid yit? ⁴ Ethir schal he kitte awei his merci into the ende; fro generacioun in to generacioun? ⁵ Ethir schal God foryete to do mercy; ethir schal he withholde his mercies in his ire? ⁶ And Y seide, Now Y bigan; this is the chaunging of the riythond of the hiye God. 7 I hadde mynde on the werkis of the Lord; for Y schal haue mynde fro the bigynnyng of thi merueilis. 8 And Y schal thenke in alle thi werkis; and Y schal be occupied in thi fyndyngis. 9 God, thi weie was in the hooli; what God is greet as oure God? 10 thou art God, that doist merueilis. Thou madist thi vertu knowun among puplis; 11 thou ayenbouytist in thi arm thi puple, the sones of Jacob and of Joseph. 12 God, watris sien thee, watris sien thee, and dredden; and depthis of watris weren disturblid. 13 The multitude of the soun of watris; cloudis yauen vois. 14 For whi thin arewis passen; the vois of thi thundir was in a wheel. Thi liytnyngis schyneden to the world; the erthe was moued, and tremblid. 15 Thi weie in the see, and thi pathis in many watris; and thi steppis schulen not be knowun. 16 Thou leddist forth thi puple as scheep; in the hond of Moyses and of Aaron. 18 The title of the seuene and seuentithe salm. The lernyng of Asaph. Mi puple, perseyue ye my lawe; bowe youre eere in to the wordis of my mouth.