Psalms 94

¹ For whi comaundement is in Israel; and doom is to God of Jacob. ² He settide that witnessing in Joseph; whanne he yede out of the lond of Egipt, he herde a langage, which he knew not. ³ He turnede a wei his bak fro birthens; hise hondis serueden in a coffyn. ⁴ In tribulacioun thou inwardli clepidist me, and Y delyuerede thee; Y herde thee in the hid place of tempest, Y preuede thee at the water of ayenseiyng. ⁵ My puple, here thou, and Y schal be witnesse ayens thee; ⁶ Israel, if thou herist me, a fresche God schal not be in thee, and thou schalt not worschipe an alien god. ⁷ For Y am thi Lord God, that ladde thee out of the lond of Egipt; make large thi mouth, and Y schal fille it. ⁸ And my puple herde not my vois; and Israel yaue not tente to me. ⁹ And Y lefte hem aftir the desiris of her herte; thei schulen go in her fyndyngis. ¹⁰ If my puple hadde herde me; if Israel hadde go in my weies. ¹¹ For nouyt in hap Y hadde maad low her enemyes; and Y hadde send myn hond on men doynge tribulacioun to hem. ¹² The enemyes of the Lord lieden to hym; and her tyme schal be in to worldis. ¹³ And he fedde hem of the fatnesse of whete; and he fillide hem with hony of the stoon. ¹⁵ The title of the oon and eiytetithe salm. Of Asaph. God stood in the synagoge of goddis; forsothe he demeth goddis in the myddil. ¹⁶ Hou longe demen ye wickidnesse; and taken the faces of synneris? ¹⁷ Deme ye to the nedi man, and to the modirles child; iustifie ye the meke man and pore. ¹⁸ Raueische ye out a pore man; and delyuere ye the nedi man fro the hond of the synner. ¹⁹ Thei knewen not, nether vndirstoden, thei goen in derknessis; alle the foundementis of erthe schulen be moued. ²⁰ I seide, Ye ben goddis; and alle ye ben the sones of hiy God. ²¹ But ye schulen die as men; and ye schulen falle doun as oon of the princis. ²² Ryse, thou God, deme thou the erthe; for thou schalt haue eritage in alle folkis.