Psalms 96

¹ My God, putte thou hem as a whele; and as stobil bifor the face of the wynde. ² As fier that brenneth a wode; and as flawme brynnynge hillis. ³ So thou schalt pursue hem in thi tempeste; and thou schalt disturble hem in thin ire. ⁴ Lord, fille thou the faces of hem with schenschipe; and thei schulen seke thi name. ⁵ Be thei aschamed, and be thei disturblid in to world of world; and be thei schent and perische thei. ⁶ And knowe thei, that the Lord is name to thee; thou aloone art the hiyeste in ech lond. ⁸ The title of the thre and eiytetithe salm. The salm of the sones of Chore. ⁹ Lord of vertues, thi tabernaclis ben greetli loued; ¹⁰ my soule coueitith, and failith in to the porchis of the Lord. Myn herte and my fleische; ful out ioyeden in to quyk God. ¹¹ For whi a sparewe fyndith an hous to it silf; and a turtle fyndith a neste to it silf, where it `schal kepe hise bryddis. Lord of vertues, thin auteris; my king, and my God. ¹² Lord, blessid ben thei that dwellen in thin hous; thei schulen preise thee in to the worldis of worldis. ¹³ Blessid is the man, whos help is of thee; he hath disposid stiyngis in his herte,