Psalms 97

¹ For the yyuer of the lawe schal yyue blessyng, thei schulen go fro vertu in to vertu; God of goddis schal be seyn in Sion. ² Lord God of vertues, here thou my preier; God of Jacob, perseyue thou with eeris. ³ God, oure defender, biholde thou; and biholde in to the face of thi crist. ⁴ For whi o dai in thin hallis is bettere; than a thousynde. I chees to be `an out cast in the hous of my God; more than to dwelle in the tabernaclis of synneris. ⁵ For God loueth merci and treuthe; the Lord schal yyue grace and glorie. ⁶ He schal not depriue hem fro goodis, that gon in innocence; Lord of vertues, blessid is the man, that hopith in thee. ⁸ The title of the foure and eiytetithe salm. Of the sones of Chore. ⁹ Lord, thou hast blessid thi lond; thou hast turned awei the caitifte of Jacob. ¹⁰ Thou hast foryoue the wickidnesse of thi puple; thou hast hilid alle the synnes of hem. ¹¹ Thou hast aswagid al thin ire; thou hast turned awei fro the ire of thin indignacioun. ¹² God, oure helthe, conuerte thou vs; and turne awei thin ire fro vs.