Romans 13

¹ And therfor bi nede be ye suget, not oneli for wraththe, but also for conscience. ² For therfor ye yyuen tributis, thei ben the mynystris of God, and seruen for this same thing. ³ Therfor yelde ye to alle men dettis, to whom tribut, tribut, to whom tol, tol, to whom drede, drede, to whom onour, onour. ⁴ To no man owe ye ony thing, but that ye loue togidere. For he that loueth his neiybore, hath fulfillid the lawe. ⁵ For, Thou schalt do no letcherie, Thou schalt not sle, Thou schalt not stele, Thou schalt not seie fals witnessyng, Thou schalt not coueyte the thing of thi neiybore, and if ther be ony othere maundement, it is instorid in this word, Thou schalt loue thi neiybore as thi silf. ⁶ The loue of neiybore worchith not yuel; therfor loue is the fulfillyng of the lawe. ⁷ And we knowen this tyme, that the our is now, that we rise fro sleep; for now oure heelthe is neer, than whanne we bileueden. ⁸ The nyyt wente bifore, but the dai hath neiyed. Therfor caste we awei the werkis of derknessis, and be we clothid in the armeris of liyt. ⁹ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye; ¹⁰ but be ye clothid in the Lord Jhesu Crist, and do ye not the bisynesse of fleisch in desiris. ¹² But take ye a sijk man in bileue, not in demyngis of thouytis. ¹³ For another man leueth, that he mai ete alle thingis; but he that is sijk, ete wortis. ¹⁴ He that etith, dispise not hym that etith not; and he that etith not, deme not hym that etith. For God hath take him to hym.