Titus 1

¹ If ony man is withoute cryme, an hosebonde of o wijf, and hath feithful sones, not in accusacioun of letcherie, or not suget. ² For it bihoueth a bischop to be without cryme, a dispendour of God, not proud, not wrathful, not drunkelew, not smytere, not coueytouse of foul wynnyng; ³ but holdinge hospitalite, benygne, prudent, sobre, iust, ⁴ hooli, contynent, takinge that trewe word, that is aftir doctryn; that he be miyti to amoneste in hoolsum techyng, and to repreue hem that ayenseien. ⁵ For ther ben many vnobedient, and veyn spekeris, and disseyueris, moost thei that ben of circumcisyoun, ⁶ whiche it bihoueth to be repreued; whiche subuerten alle housis, techinge whiche thingis it bihoueth not, for the loue of foul wynnyng. ⁷ And oon of hem, her propre profete, seide, Men of Crete ben euere more lyeris, yuele beestis, of slowe wombe. ⁸ This witnessyng is trewe. For what cause blame hem sore, that thei be hool in feith, ⁹ not yyuynge tent to fablis of Jewis, and to maundementis of men, that turnen awei hem fro treuthe. ¹⁰ And alle thingis ben clene to clene men; but to vnclene men and to vnfeithful no thing is clene, for the soule and conscience of hem ben maad vnclene. ¹¹ Thei knoulechen that thei knowen God, but bi dedis thei denyen; whanne thei ben abhominable, and vnbileueful, and repreuable to al good werk. ¹³ But speke thou tho thingis that bisemen hoolsum teching; ¹⁴ that elde men be sobre, chast, prudent, hool in feith, in loue, and pacience; ¹⁵ also olde wymmen in hooli abite, not sclaundereris, not seruynge myche to wyn, wel techynge, that thei teche prudence. ¹⁶ Moneste thou yonge wymmen, that thei loue here hosebondis, that thei loue her children;