Titus 3

¹ whom he schedde into vs plenteuousli bi Jhesu Crist, ² oure saueour, that we iustified bi his grace, ben eiris by hope of euerlastinge lijf. ³ A trewe word is, and of these thingis Y wole that thou conferme othere, that thei that bileuen to God, be bisy to be aboue othere in good werkis. These thingis ben good, and profitable to men. ⁴ And eschewe thou foltische questiouns, and genologies, and stryues, and fiytyngis of the lawe; for tho ben vnprofitable and veyn. ⁵ Eschewe thou a man eretik, aftir oon and the secound correccioun; ⁶ witinge that he that is siche a maner man is subuertid, and trespassith, and is dampned bi his owne dom. ⁷ Whanne Y sende to thee Arteman, or Titicus, hiy thou to `come to me to Nycopolis; for Y haue purposid to dwelle in wyntir there. ⁸ Bisili byfor sende Zenam, a wise man of lawe, and Apollo, that no thing faile to hem. ⁹ Thei that ben of ouris, lerne to be gouernouris in good werkis, to necessarie vsis, that thei be not with out fruyt. ¹⁰ Alle men that ben with me greeten thee wel. Grete thou wel hem, that louen vs in feith. The grace of God be with you alle. Amen. ¹¹ Filemon ¹³ Poul, the boundun of Crist Jhesu, and Timothe, brother, to Filemon, bilouyd, and oure helpere, and to Appia, ¹⁴ most dere sister, and to Archip, oure euene kniyt, and to the chirche that is in thin hous, ¹⁵ grace be to you, and pees of God oure fader, and of the Lord Jhesu Crist.