Tobit 8

¹ that taken so weddyngys, that thei close out God fro hem and fro her mynde; the fend hath power ouer hem, that yyuen so tent to her letcherie, as an hors and mule doon, that han noon vndurstondyng. ² But whanne thou hast take hir, entre thou in to the bed, and bi thre daies be thou continent fro hir, and to noon other thing thou schalt yyue tent with hir, no but to preieris. 3 Forsothe in that firste niyt, whanne the mawe of the fisch is brent, the fend schal be dryuun awei. 4 Sotheli in the secounde nyyt thou schalt be resseyued in the couplyng of hooli patriarkis. 5 Forsothe in the thridde nyyt thou schalt gete blessyng, that hoole sones be gendrid of you. 6 But whanne the thridde niyt is passid, thou schalt take the virgyn with the drede of the Lord, and thou schalt be led more bi the loue of children than of lust, that in the seed of Abraham thou gete blessyng in sones. 8 Forsothe thei entriden to Raguel; and Raguel resseyuede hem with ioie. ⁹ And Raguel bihelde Tobie, and seide to Anne, his wijf, This yong man is ful lijk my sister sone. ¹⁰ And whanne he hadde seid these thingis, he seide, Of whennus ben ye, yonge men, oure britheren? And thei seiden, We ben of the lynage of Neptalym, of the caitifte of Nynyue. ¹¹ And Raguel seide to hem, Knowen ye Tobi, my brother? Whiche answeriden, We knowen him. ¹² And whanne he spak manye good thingis of Tobie, the aungel seide to Raguel, Tobie, of whom thou axist, is the fadir of this man. 13 Thanne Raguel bowede doun hym silf, and with teeris he kisside Tobie, and he wepte on his necke, 14 and seide, My sone, blessyng be to thee; for thou art the sone of a good and a ful noble man. ¹⁵ And Anne, his wijf, and Sare, the douytir of hem, wepten. ¹⁶ Forsothe after that thei hadden spoke, Raguel comaundide a wethir to be slayn, and a feeste to be maad redi. And whanne he excitide hem to sitte doun to mete, Tobie seide, ¹⁷ Y schal not ete, nethir drynke here to dai, no but thou conferme first myn axyng, and biheete to yyue to me Sare, thi douyter. ¹⁸ And whanne this word was herd, Raguel dredde, witynge what bifelde to tho seuene men; and he bigan for to drede, lest perauenture it schulde bifalle in lijk maner to this Tobie. And whanne he doutide, and yaf noon answere to the axere, ¹⁹ the aungel seide to hym, Nyle thou drede to yyue hir to this man; for thi douyter `is due wiyf to this man dredynge God; therfor another man myyte not haue hir. ²⁰ Thanne Raguel seide, Y doute not, that God hath resseyued my preieris and teeris in his siyt. ²¹ And Y bileue, that herfor the Lord made you come to me, that also this womman schulde be ioyned to her kynrede bi the lawe of Moises; and now nyle thou bere doute, that Y schal yyue hir to thee.