Zechariah 6

¹ Lo! Y schal charke vndur you, as a wayn chargid with hei charkith. ² And fliyt schal perische fro a swift man, and a strong man schal not holde his vertu, and a stalworthe man schal not saue his lijf; ³ and he that holdith a bowe schal not stonde, and a swift man schal not be sauyd by hise feet; and the stiere of an hors schal not saue his lijf, ⁴ and a stronge man of herte schal fle nakid among stronge men in that dai, seith the Lord. ⁶ Sones of Israel, here ye the word which the Lord spak on you, and on al the kynrede, which Y ledde out of the lond of Egipt, ⁷ and seide, Oneli Y knewe you of alle the kynredis of erthe; therfor Y schal visite on you alle youre wickidnessis. ⁸ Whether tweyne schulen go togidere, no but it acorde to hem? ⁹ Whether a lioun schal rore in a forest, no but he haue prey? Whether the whelp of a lioun schal yyue vois fro his denne, no but he take ony thing? ¹⁰ Whether a brid schal falle in to a snare of erthe, with outen a foulere? Whether a snare schal be takun awei fro erthe, bifor that it tak sum thing? ¹¹ Whether a trumpe schal sowne in a citee, and the puple schal not drede? Whether yuel schal be in a citee, which yuel the Lord schal not make? ¹² For the Lord God schal not make a word, no but he schewe his priuyte to hise seruauntis profetis. ¹³ A lioun schal rore, who schal not drede? the Lord God spak, who schal not profesie? ¹⁴ Make ye herd in the housis of Azotus, and in the housis of the lond of Egipt; and seie ye, Be ye gaderid togidere on the hillis of Samarye, and se ye many woodnessis in the myddis therof, and hem that suffren fals calenge in the priuy places therof. ¹⁵ And thei kouden not do riytful thing, seith the Lord, and tresouriden wickidnesse and raueyn in her housis.